مسعود پورهادی

سال 1527 خمام مین به دونیا بومه.خو ابتدایی تحصیلاته خو زادگا مین و متوسطه تحصیلاته رشت و انزلی مین تمانه گوده.

بعد زماتی آلمون مین بوشو و نزدیک دو دهه اوره زیندگی بوده و 1575 ایرونه وگرسه و گیلکی زبون و ادبیات مین به سختی واکاوی بوده. دوته نسک «بررسی ویژگی ساختار زبان گیلکی،گویش رشتی و باد بامو دورشین باورد(دفتر شعر گیلکی)» و «گاهشماری گیلانی» اینه دسه بنویشته و چاپ بوبوکه.

مسعود پورهادی جی گیلکی شعرون و داستونون فراوونی بنویشته بوبو که گیلون نشریا مین چاپ برسه ایسه.او نسک «زبان گیلکی» که گیلکی  زبون دستورون ایسه بنویشته دنه.

دکتر محرم رضایتی

دکتر محرم رضایتی سال 1535 رضوانشهر دیناچال مین به دونیا بومه.خو ابتدایی تحصیلاته خو زادگا و متوسطه تحصیلاته رضوانشهر مین سر ببرده.او فارسی زبون و ادبیات دانیش یادبیته ایسه و دانشگا گیلون مین کارشناسی واهواز دانشگا شهید چمرون مین خو ارشد و دانشگا تهرون جی خو دکتری هیته(1575).

دوکتر رضایتی خو واکاویه سال 1565 جی شرو بوده.اینه وانیوسون زبون شناسی و گویش شناسی نشریات مین و دانشکده ادبیات مشهد نشریه مین چاپ برسه.نسکون «تحقیق در رساله ی قشیریه»،«زبان تالشی،توصیف گویش مرکزی» اینه بنویشته وؤنه جی ایسه.